IPILWAKHO ISEZANDLENI ZAKHO
UKUSELA NGETJHEJO
AmaSewula Afrika amanengi asela khulu utjwala ukuphala umuntu ezingeni elilingeneko lakwezinye iinarha ephasini mazombe. Abantu abanengi basela utjwala butjhuleni. Babusela khulu begodu ngaso soke isikhathi utjwala. Lokhu kubanga imiraro eminengi. Abanye abantu balahlekelwa misebenzi ngombana basela khulu. Abanye bayadakwa, babe nenturhu begodu balwe nemindenabo, abangani nanyana iinini. Abanye baguliswa butjwala begodu kuyenzeka bona baze balitjhiye iphaseli!
Kungcono bona ungabuthinti utjwala ngombana buneendaki eziyingozi ezingakhubaza ipilwakho. Ukusebenzisa utjwala kungaba nemiphumela emimbi emndeninakho. Nanyana kunjalo, nangabe uyasela, kungcono usele ngokusebenzisa ingqondo.
Funda lencwajana bese ufunda bona ungasela njani ngetjhejo.
Qala Dudu, sele bafikile ukuzokufuna iingwani zabo ezisele izolo emtjhadweni!
UBongi usebenzisa yoke imadlanakhe emarhamulweni ngasikhatheso umndenakhe uyatlhaga ngombana usela imali yoke yokudla, izambatho kanye nokufunda! Ungisilinga kumbi mina!
Kungenzeka sele bumngene eengazini uqaleka kwangathi utlhoga irhelebho kunokubekwa umlandu
Ukusela butjhuleni utjwala mraro orhagele inarha le yoke nje yeSewula Afrika Sitlhoga ukuzifundisa thina kanye nabantwabethu ngokurhabako, bona utjwala bungawusilaphaza njani imizimbethu kanye nengqondo. Sifanele sifunde ukuzibamba nakufikwa emarhamulweni begodu sifunde nokusela ngetjhejo!
Kuhle kuhle uBongi uqaleka agula begodu uhlala adanile
Iye, abantu benza iphoso yokuthi ukusela kukwenza bona uhlale uthabile. Eqinisweni kukwenza bona uhlale udanile begodu ngemva kwesikhatjhana ugandeleleke.
Abantu abanjengoBongi banobulwelwe obumbi tle bokudakwa, abangakwazi ukubukhandela . Batlhoga irhelebho ngaphambi kobana amarhamulo ababulale.
Ngetjhudu, kuneenhlangano ezirhelebhe inengi labantu abasela butjhuleni bona balise ukusela bese baphila ipilo elungileko.
Umndeni kaBongi kanye nabangani bakhe bafanele bona bamsize bona ayokuthola isizo elinjalo ukuvikela ipilwakhe begodu abe ngubaba ophile kuhle godu.
ISewula Afrika ifanele bona iqalane nomraro wotjwala njenga nje . kokhunye sifanele bona sithome ukufaka ilwazi elizeleko ngokusela, eenkolweni!
Imiphumela yesikhathi eside yokusela
Igama lami nginguDudu. Sizokukhuluma ngokusebenzisa utjwala. Ukukusiza bona utjho bona ukusela kuhle namkha kumbi, asithome ngokukhuluma ngemiphumela yokusela.
Utjwala bungathikameza ipilwakho kumbi kwamanikelela. Ukusela utjwala khulu isikhathi eside kungakhubaza umzimbakho ngendlela yokobana ungeze usalunga. Qala bona utjwala bungenzani:
Ukulamba: Kunezakhamzimba ezincani khulu etjwaleni. Ungagula nawusela utjwala njalo nje ngaphandle kokudla. Lokhu kutjho bona uzakugula begodu uhlale umtherethere njalo nje.
Ukukhubala umkhumbulo: Utjwala buphungula ukucabanga kwakho. Ngemva kwesikhathi eside, utjwala buzakubuye bulawule nokusebenza komkhumbulwakho.
Amalwelwe wehliziyo: Ukusela kuzakwenza bona ihliziywakho isebenze budisi khulu begodu lokho kukufakele amalwelwe wehliziyo.
Ikankere: Ukusela utjwala kungakubangela ikankere yomlomo.
Ukukhubala kwesibindi: Nawusela soke isikhathi, isibindi sakho sizakulimala. Utjwala buzakukhubaza ibende lakho, lokho okuzakufakela ubulwelwe betjhukela.
Ukulahlekelwa mamandla emabhayini: Isitho sobudoda sokusebenza emabhayini angeze sisasebenza kuhle begodu indoda izakuba nobudisi bokuba nephondo eliqinileko ngesikhathi kuyiwa emabhayini.
Naka amanye amaphuzu ngotjwala kanye nokuhlongakala okuyamelana nokusela utjwala
Ubulelesi obunengi kanye nenturhu yenzeka ngombana abantu basela utjwala butjhuleni. Abantu babhalelwa ukuzibamba ngesikhathi baselile.
Eengozini zoke zendlela lapho abantu bahlongakala khona, kutholakala bona abatjhayeli abanengi vane baselile begodu basela ngaphezu kwezinga elivunyelwe ngokomthetho.
Abakhamba ngeenyawo abanengi abahlongakala eendleleni vane basele utjwala.
Ukuhlongakala kanye namalwelwe abangwa butjwala kudla inarha le imali enengi unyaka nonyaka. Imali le ngabe isetjenziswa ngcono kwezefundo, zepilo nanyana zezindlu.
UKUSELA NGETJHEJO NANGOKUZIPHENDULELA
Khumbula, bona iinselo ezahlukeneko zotjwala, zinamazinga ahlukeneko we-alkhoholi. Kuneyunithi ye-alkhohloli kokhunye nokhunye kwalokhu:
Ithothi yinye yewiski, ibhrendi nanyana ezinye iimpiridi
Iketukana linye lebhiya
Irhalasi linye lewayini
Ungazikhethela bona ufuna ukuselani kilokhu okubaliweko.
Ufanele bona uyelele bona ungaseli litho nawungazi bona imumethe i-alkhohloli engangani kiyo. Lokhu kungaba yingozi embi tle!
Ukusela ngetjhejo begodu nangokuziphendulela kutjho:
Awuseli ngamalanga, lokhu okutjho bona awukwenzi umukghwa ukusela
Awuhlanganisi iinselo zakho. Sela ihlobo linye lesiselo ngesikhathi
Awuseli bese utjhayela ikoloyi nanyana ukhambe ngeenyawo endleleni
Imiphumela yokusela
Ngilokhu okuvamise ukwenzeka nangabe abantu bayasela:
Ngemva kwe- 1-2 yamayunithi: ukhuluma khulu, ubuso buba bovana; ihliziyo ibetha ngamandla.
Ngemva kwamayunithi ama- 3: Utjhayela kumbi; indlela okala ngayo ibuthaka begodu ungazithola usakuyatha.
Ngemva kwamayunithi ama- 5: Kungenzeka ungaboni kuhle; nawukhuluma uzakutjhwatjhwazisa nje; awukwazi ukweqa msinyazana.
Ngemva kwamayunithi ali- 8: Ungeze wakwazi ukukhamba ngokunqopha begodu uzakubhalelwa kujama kuhle; ungabona izinto ngazimbili nanyana iyinye.
Lokhu kutjengisa bona awukafaneli bona usela ngaphezu kwamayunithi amabili. Ngamayunithi nje amathathu, indlela yakho yokuziphatha iyatjhuguluka begodu indlela yakho yokukala izinto iba buthaka khudlwana.
Ungathomi usele utjwala nawu
Sidisi
Diniwe
Ngakhange udle ilanga loke
Tjhayela nanyana uzakukhamba ikhambo elide nanyana uzikhambela ngeenyawo
Sela iinhlahla
Nawusela .
Ungavumeli bona abantu bazalisa irhalasi lakho ngaphambi kobana liphele nya. Angeze wazi bona sele usele kangangani.
Ungathomi uhlanganise amatjwala.
Sela buthaka. Ngaphambi kobana udobhe godu, sela irhalasi lamanzi. Lokhu kuzakuphungula amandla wotjwala emzimbeni.
Yenza isiqiniseko sokobana ukhe wadla ngaphambi kokusela. Ungathomi uselele phezu kwamathumbu anganalitho.
Ungatjhayeli nanyana ukhambe. Kungcono uzitholele elinye ihlobo lokuthuthwa ukuya ekhaya.
Ungavumeli bona kube khona okugandelela bona usele nangabe awufuni.
Abantu abatjha kanye notjwala
Iimpilo zabantu abatjha zingamotjheka ngokusetjenziswa butjhuleni kotjwala. Kungenzeka bona ababelethi babo nabo kube ziindakwa. Abantu abatjha nabo kungenzeka bona nabo bayasela. Lokhu akusiyo indlela yokuba nomndeni othabileko. Sifanele bona sivikele ematjwaleni.
Nangabe ababelethi basela khulu utjwala
Umbelethi osidakwa angaba nemiphumela emimbi emndenini. Angeza ekhaya aselile afike alwe namalunga womndeni. Umuntu osela njalo uzakuqeda imali yomuzi etjwaleni. Lokhu kuzakutjhiya umndeni unganalitho lokuthenga ukudla kanye nezambatho, bese kuzakudosekela ekuthini umndeno lowo ube ngongakathabi begodu nepilo yakhona ibe ngehlangahlangene.
Abantu abatjha baziphatha ngeendlela ezahlukeneko nangabe bahlala nababelethi abaziindakwa. Nazi ezinye zezinto ongazilindela:
Bafunda ukungathembi abantu abadala.
Abavezi amazizwabo begodu abatjeli abanye abantu ngemiraro yabo.
Bangathoma ukusebenzisa butjhuleni utjwala kanye neendaki ukuzama ukuqeda amatshwenyeko.
Bahlalela evalweni lokusaba ababelethi.
Bazithola banomthwalo wokuqalana nokuziphatha kwababelethi babo begodu bazibona mlandu ngesibanga salokhu.
Nangabe nihlala nomuntu osela khulu, qala lamatshwayo emndeninakho.
Abantu abatjha bafanele bona bazi:
Bona abasibodwa- banengi nabanye abanemiraro enjalo.
Bona angeze bakwazi ukurhelebha ababelethi babo bona ngokwabo.
Bona akusibo imbangela yemiraro yababelethi babo.
Bona kunabantu abangabonisana nabo ngalomraro!
Nangabe abantu abatjha abafuni ukukhuluma namuntu emndenini, udorhodera, umongi, utitjhera nanyana umngani angaba lirhelebho.
NAKUBE ABANTU ABATJHA BASELA UTJWALA
Abantu abatjha bafunda ukusela utjwala emindeninabo kanye nebanganini. Nangabe umbelethi, ufanele bona uphumele tjhatjhalazi ebantwaneni bakho ngotjwala neengozi zabo. Abantu abatjha bazakufuna ukuzwa ngokuzifundela bona utjwala bunjani, yeke wena njengombelethi ufanele bona wakhe ibhoduluko eliphephileko lapho bangakwazi ukubonisana khona nawe ngokusela.
Bafundise abantwabakho, kokuthoma, bona bangathomi basele utjwala. Nangabe sele basela, bafundise ukusela ngokuphepha nangetjhejo! Lokhu kuzakubarhelebha bona bakwazi ukuzikhethela ngefanelo.
Uzakwazi njani bona umuntu unomraro wotjwala
Zinengi khulu iindlela ongakwazi ukubona ngazo bona umuntu unalomraro. Ngizakurhelebha bona ukghone ukubona umuntu onalomraro wokusela khulu utjwala. Sizakwenza lokhu ngokusebenzisa itjhadi elingenzasi. Qala imibuzo ekuletjhadi. Tshwaya iimpendulo okungizo. Kungenzeka bona eminye imibuzo ungabi neempendulo zakhona, kodwana zama ukuthola bona uyafuna na ukurhelebha.
Kungenzeka bona wazi abantu odlumbana banomraro wokusela utjwala. Ngaphandle kobana ube nesiqiniseko salokhu kobana bayabhalelwa ukulawula ukusela kwabo, angeze wakwazi ukubarhelebha. Umbuzo uthi, uzakwazi njani bona umuntu usela ngaphandle kwetjhejo
Ingabe umuntu lowo usela ngaphezu kwendlela bekasela ngayo ngaphambili, begodu ukwenza lokhu ngamalanga
IYE
AWA
Ingabe nasele aselile, ulwa nabanye abantu na
Ingabe usela ngombana angazi bone enzeni, ahlangahlangene nanyana azizwa angasililitho
Ukhe wangena engozini ngombana asele utjwala
Ubangasafiki kuhle emsebenzini muva nje ngombana bekabulawa ziimbhabhalazi
Ingabe uqeda isikhathi esinengi ematjwaleni kunokuba semndeninakhe
Ukhe wamanya umuntu aselile njalo
Ingabe usela ngaphezu kobana afuna
Nangabe ipendulo yakilemiraro ngu- Iye , lowo muntu unomraro wokusela utjwala. Ungalindi kuze kube kulapho lomraro uthuwelele khona khulu.
Eminye imisebenzana yabantu abatjha
Umsebenzi 1
Mtjhado kaZinhle. Abangani bakhe boke abavela esifundeni sele bafikile kilomnyanya. Kuyabhinwa, kuyagidwa begodu kuyaselwa. Qala esithombeni esingenzasi. Kuneembonelo ezili- 10 lapho abantu bangaseli khona ngokutjheja. Zitjho. Hlathulula nokobana kufanele kwenziweni khona abantu laba bazakusela ngokutjheja.
Iimpendulo
Umuntu uyatherezela; umuntu uyathile phasi; umuntu uhlezi nebhodlelo esele lizakuphela phambi kwakhe; ukulwa; umuntu uqaleka agula; umma osidisi uyasela; umuntu utherezelela ekoloyinakhe begodu uphethe ibhodlelo ngesandla; umuntu oqaleka aphelelwe lithemba lepilo; umuntu oseza omunye utjwala; umuntu omdala unikela umntwana utjwala.
Nawufuna ukwazi ngeendlela zokusela ngokutjheja, qala ekhasini .
Umsebenzi wesi-2
Ingabe umseli osela ngokutjheja nokuziphendulela Zalisa umdlalo wemibuzo ongenzasi uthole ipendulo! Ungamangala ngilokho ozokuthola!
Kweminye neminye yemibuzo elandelako, khetha ipendulo ekuhlathulula ngcono.
Umenywa ephathini. Ekupheleni kwephathi kuselwa khulu bekuyajidwa. Wena :
a uqunta ukungena. Ufuna ukubonakala umumuntu osemnandini. 5
b usela kuphela amarhalasi amabili webhiya. Ngemva kwalokho utjhinga ekhaya. 2
c usela bewuzizwe ufikelwa siyezi. Bese ulisa ukusela. 3
d awuseli nakanye. 3
Abangani bakho bathome ukusela begodu bahlala badakiwe. Bakwenza lokhu phakathi kweveke, emaphathini, ngaphambi kokusebenza nesikolweni. Ingabe:
a uyalisa ukubavakatjhela. Udiniwe ligandelelo begodu awufuni ukusela. 1
b ubona bonyana kufanele ulinge ukusela kancani. Ulisa ngemva kokuzwa ungakuthandi ukudakwa isikhathi soke. 2
c usela bewudakwe. Uphila kanye musi. 5
Bewubhizi ilanga loke begodu akhenge ube nesikhathi sokudla. Uzizwa udiniwe. Ingabe:
a utjhinga ekhaya. Udla bewusele okuthileko ngaphambi kokuzigedla. 2
b uya ebhareni namkha espotini esiseduze nawe. Uzakukghona ukuzigedla msinyana nawungathola isiselo. Idina lizabe sele lilungile nawufika ekhaya. 5
c utjhinga ekhaya, uyadla bewulala msinyana. Izinto zizakuba ngcono ekuseni. 1
Usemnyanyeni lapho kuneenselo ezinengi. Iimenywa zidlula ibhodlelo lebhrendi. Woke umuntu uthela ebhodlelweni. Ingabe:
a uthatha irhalasi. Utlhoga ukwazi bonyana usela kangangani. 1
b uhlanganyela ethabeni begodu usela kanengana. Ibhodlelo lingahle liphele msinyana. 5
c Usela kanye bewuzitjele bona lokhu ngekokugcina. 3
Uvakatjhele umnganakho. Uvula ibhodlelo lebhrendi begodu namabhiya. Ingabe uzaku:
a sela kancazana. Bewulindele lokhu ilanga loke. Ngemva kokubamba kancazana uzizwa ungcono. 5
b sela kancazana. Ulisa ukusela kwaphela nasele utherezela begodu nomkhumbulwakho sele uhlangahlangene. 3
c sela kanye nofana kabili. Awufuni ukulahlekelwa kusebenza kuhle komzimbakho nanyana umkhumbulwakho. 1
Gadesi hlanganisa iinomboro ezikumakaki ekupheleni kwependulo ngayinye oyikhethileko bese uhlola inani loke olitholileko.
AKHESIBONE BONA UDOBHE KANGANGANI
AMANANI
UKUYA KU- 8
Usela ngokutjheja. Uyacabangisisa ngokuselako begodu uyatjheja nangemiphumela yokusela kwakho. Awuvumeli bona ugandelelwe ekuseleni.
UKUYA E- 18
Ngezinye iinkhathi uyatjheja bona usela njani. Kanti-ke, ngezinye, awutjheji. Ufanele bona ukhethe ukusela ngetjhejo begodu unamathele kilokho. Ungavumeli ukulawulwa bangani ekuseleni! Lokhu angeze kwakwenza bona ube mumuntu othandwa khulu.
Awutjheji nakutjheja bona usela njani. Usela khulu begodu uthanda ukuzibona wenza njengabanye abantu. Nawuragela phambili usela ngalendlela, uzazithola ungene eengozini ezikulu nanyana ekulweni. Ngaphezu kwalokhu, utjwala buzakuphazamisa ipilwakho kumbi bukubangela nokukhubala komkhumbulo, ihliziyo nesibindi. Ufanele bona uthome ukusela ngetjhejo, nanyana lisa sahlobo ukusela utjwala!
Ungasiza
Soke siphila nabantu abanomraro wokusela. Singazitjhugulula njani izinto Sifuna ukwenza izinto bona zibe ngcono. Asifuni bona lomukghwa ufikelele nebantwaneni bethu.
Ngumma otshwenyeke khulu
Mma Otshwenyeke khulu
Kunerhelebho elitholakalako labantu abanomraro wokusela. Nangabe kunomuntu omaziko onomraro wokusela, bawa udorhodera nanyana umongi wangeklinigi yangekhenu bona akuphe igama lehlangano engasiza. Ungahlala godu phasi ubonisane nomfundisi wangekhenu ngalomraro. Ungenza nofana yini okuthola kulungile kuwe kodwana ungahlali nalomraro uwedwa. Angeze yakulisa ngaphandle kobana wena uthathe amagadango.
Akusizi nakancani ukuzama ukubonisana nomuntu ngomrarwakhe wokusela, vele sele aselile. Mlindele aze aphile kuhle. Mtjele bona wenzani begodu lokho kubatlhorisa njani abanye abantu.
Nangabe awukghoni ukurarulula lomraro, bawa isizo lehlangano esebenza ngemiraro enjalo ngamalanga. Zinengi iinhlanganwezi.
Biza amapholisa nangabe umuntu ukubethile ngesikhathi aselile. Yazisa nomakhelwanakho ngalomraro khona uzakwazi ukubalekela khona ngesikhathi kukumbi. Nangabe akunamehluko owenzekako nanyana ubujamo buya buba bumbi, uzakufanele bona uthole enye indawo khona wena nomndenakho nizakuphepha khona. Itjhudu!
Mnganami otlhoga irhelebho
Zinengi iindlela zokurhelebha abantu abatjha. Indlela engcono khulu ngeyokwenza bona bazwisise imiphumela yokusela. Ufanele bona ubafundise nokuthi bakwazi ukuthi awa , bajame kilokho abathi abakufuni.
Bangakwenza lokhu ngeendlela ezinengi. Bangavele bazikhambele, nangabe bathola ukugandelelwa bangani. Bangatjela lowo muntu kanenginengi bona abafuni ukusela. Ufanele bona ube nokubekezela khulu ngalesi sikhathi. Nawumumuntu omutjha, izinto ziba budisi khulu. Yenza isiqiniseko sokobana bayazi bona bangahlala phasi babonisane nawe ngemiraro yabo.
UThulani nomnganakhe malija nje, kodwana banalomraro. Kubudisi khulu kibo bona bangaseli. Abangani babo bayabagandelela bona abasele. Batjhiywa ngaphandle ezintweni ezinye ngombana bangaseli. Bazithola banobudisi tle bokwala bathi, awa . Bangarhelejwa njani
Otlhoga irhelebho
Akhe uqale bona udobhe ilwazi elingangani ngokufunda incwajana le. Zalisa ipicapicwana yamagama le bese umanayanisa iimpendulo zakho nalezo ezingenzasi kwekhasi.
BUTHABALALA
Ngemva kwesiselo sinye ihliziyo yakho .
Ngemva kweenselo ezinthathu kuba kumbi.
Unga esinye isiselo nawungafuniko.
Kizo zoke zendlela kwafunyanwa bona abatjhayeli bebasele ukudlula ngendlela okuvunyelwe mthetho.
Utjwala obunengi bungarholela . yomlomo.
Ngemva kokusela iinselo ezimbili ukhuluma khulu bewube
UKUTJHINGA PHASI
Ungaseli nawu
Abantu abanengi ngesibanga samalawelwe akhambelana notjwala
Ubulelesi obunengi ne .. kwenzeka ngombana abantu basela utjwala utjwala kumbi.
Ngaphambi kobana uyokusela godu sela irhalasi lamanzi.
Ungathomi usele utjwala nawu ..
Iimpendulo:
Buthabalala:
isebenza khulu; 3 ukutjhayela kwakho; 6 vumeli; 8 - iingozi ; 10 eenkankereni; 11 nobuso obubovu
Ukutjhinga Phasi:
usidisi; 3. - bahlongakala; 4. - nturhu; 5. - yinye; 7. thothini; 9 udiniwe.
Imatheriyali ivele ngokusungulwa ngabe:
Ikhutjhwe ngabe:
